Առնվազն 14 մարդ զոհվել է, մի քանիսն անհետ կորել են հնդկական Պունա քաղաքին կից արդյունաբերական գոտու քիմգործարանում բռնկված հրդեհի պատճառով:
Ինչպես հաղորդում է «ՌԻԱ Նովոստի»-ն, այս մասին հայտնում է քաղաքի հրշեջ ծառայությունը:
«Այս պահին մենք 14 մարմին ենք գտնել»,-NDTV հեռուստաալիքին հաղորդել է ծառայության ներկայացուցիչը:
Հրդեհի բռնկման ժամանակ ձեռնարկությունում, որն ախտահանող միջոցներ է արտադրել, աշխատել է 37 մարդ: Նրանցից 20-ը փրկվել է: Ըստ նախնական տվյալների՝ հրդեհի պատճառ է դարձել կարճ միացումը: Հրդեհը մարում է ութ հրշեջ մեքենա: