Այսօր Արմավիր քաղաքի ընտրողների հետ հանդիպման ժամանակ ԱԺ «Իմ քայլը» խմբակցության պատգամավոր Հայկ Կոնջորյանն անդրադարձավ իրենց իշխանության կատարած սխալներին։
«Կարո՞ղ էինք մենք գործել սխալներ՝ այո, կարող էինք։ Կատարե՞լ ենք մենք արդյոք որոշ սխալներ՝ այո, կատարել ենք, բայց չկա աշխարհում որեւէ իշխանություն, որ սխաներ չի գործում։ Այո, մենք կատարել ենք սխալներ, բայց մենք չենք գործել հանցանքներ։
Քաղաքականության ոսկե կանոնն ասում է՝ երբ դու կանգնած ես ընտրության առջեւ՝ ընտրել սխալվողին, թե ընտրել հանցագործին, դու միշտ պիտի ընտրես սխալվողին, որովհետեւ սխալվողը կարող է ուղղել իր սխալը, բայց հանցագործը չի կարող ուղղել իր հանցանքը»,- ասաց Կոնջորյանը։