2007 թվականից սկսած Սևանա լիճ բաց թողնված իշխան ձկնատեսակի մանրաձկան ծավալները կտրուկ աճել են:Այս մասին այսօր լրագրողների հետ հանդիպման ժամանակ ասաց Բնապահպանության նախարարության կենսառեսուրսների կառավարման գործակալութան գլխավոր մասնագետ Նորայր Աբրահամյանը: Ըստ նրա 2007 թվականին Սևանա լիճ է բաց թողնվել 175 հազար իշխան մանրաձուկ, 2008 թվականին 250 հազար, 2009 թվականին 307 հազար և 2010 թվականին 200 հազար:Այդ մանրաձկներից որդերի հասունացման ժամանակաշրջանը 4 տարի է, իսկ ձկներինը` 5-6 տարի: Բաց թողնված մանրաձկան միայն 10 տոկոսն հասնում է ձվադրման շրջանին: Գիտությունների ազգային ակադեմիան այս տարվանից սկսած հետազոտություն է իրականացնում Սևանա լճում, պարզելու համար, թե ինչ արդյունք է տվել մանրաձկների բացթողումը: ԳԱԱ հիդրոէկոլոգիայի և ձկնաբանության ինստիտուտի տնօրեն Բարդուղ Գաբրիելյանը նշեց,որ իրենք արդեն հայտնաբերել են հասունացած որդերի: Սակայն նա միաժամանակ մտահոգություն հայտնեց,որ այդ նույն ձկներին ինքը հանդիպել է նաև շուկայում: