Եթե դիետա եք պահում, իսկ ավելորդ քաշը չի վերանում կամ ետ է գալիս, ամենայն հավանականությամբ, ինչ-որ սխալ բան եք անում: Ինչպես ճիշտ և անվտանգ նիհարել, Sputnik- ին պատմել է սննդաբան, բժշկական գիտությունների դոկտոր Ալեքսեյ Կովալկովը:
Առաջին հերթին պետք է հասկանալ, թե ինչ խնդրի հետ եք պայքարում, նշել է նա: Եթե մենք խոսում ենք ճարպակալման մասին, որը բարդ համակարգային հիվանդություն է, ապա միայն դիետան բավարար չէ. այս դեպքում անհրաժեշտ է լուրջ բուժում: Բայց մարմնի ավելորդ քաշի տասը տոկոսը կորցնելու համար դիետան լավ է:
Ցանկալի արդյունք ստանալու համար առաջին հերթին պետք է հրաժարվել քաղցրավենիքից, խորհուրդ է տվել Կովալկովը: Նա բացատրել է, թե ինչու է դա այդքան կարևոր:
«Դիետաների սկզբունքը մի բան է. արյան մեջ ինսուլինի մակարդակը իջեցնելը, թույլ չտալը, որ այն բարձր բարձրանա: Սպորտով զբաղվելիս արտաազատվում է ճարպ այրող հորմոն՝ ադրենալին, քաղցր ուտելիս ճարպ պահեստավորող հորմոն՝ ինսուլին է արտադրվում: Մեր խնդիրն է, որ ինսուլինը որքան հնարավոր է քիչ, և ադրենալինը որքան հնարավոր է շատ արտադրվի, այդ պատճառով կարևոր է, առաջին հերթին, հրաժարվել քաղցրավենիքից», – ընդգծել է բժիշկը:
Նա խորհուրդ է տվել սահմանափակել կամ ժամանակավորապես ամբողջությամբ հեռացնել սննդակարգից այն ամենը, ինչ պարունակում է շաքար. կարտոֆիլ, սպիտակ հղկված բրինձ, ցանկացած հաց, մրգահյութեր: Բացառություն կարելի է անել բանջարեղենային և թարմ քամած հյութերի, մեղրի համար: Դիետան լավ է լրացնել ֆիզիկական ակտիվությամբ:
«Շարժվեք, օրական առնվազն հինգ կիլոմետր քայլեք: Պարզապես քայլելը, առանց մարզասրահի, սկզբնական շրջանում բավարար կլինի: Եվ մեկ ամսվա ընթացքում դուք կկորցնեք յոթից ութ կիլոգրամ», – համոզված է Կովալկովը:
Ըստ նրա ՝ տարածված կարծիքը, թե նիհարելու համար անհրաժեշտ է հրաժարվել ճարպից, ճիշտ չէ, քանի որ շատ արդյունավետ դիետաներ կան, երբ նրանք միաժամանակ շատ ճարպ են ուտում ու նիհարում: Ավելին, ճարպից խուսափելը կարող է լուրջ առողջական խնդիրների հանգեցնել: Սա հատկապես վտանգավոր է կանանց համար:
«Երբ կանայք նիհարում են ինքնուրույն և սխալ, օրինակ՝ լիովին հրաժարվելով ճարպերից կամ կենդանական ծագման ճարպերից, նրանք ունենում են հորմոնների, այդ թվում՝ էստրոգենի և պրոգեստերոնի արտադրության խանգարում: Ամենատարածված բարդությունը ինքնուրույն քաշը կորցնելուժամանակ ամենորեյան է», – ասել է Կովալկովը:
Նա ավելացրել է, որ տարբեր հայտնի դիետաները, որոնց մարդիկ հաճախ դիմում են ինքնուրույն՝ առանց մասնագետի հետ խորհրդակցելու, շատ բարդություններ են առաջացնում, այդ թվում՝ երիկամների քարերի ավելացում, միզաթթվի ավելացում, պոդագրա:
