Բուրկինա Ֆասոյի հյուսիս-արևելքում գտնվող Սոլխան գյուղում զինյալների հարձակման հետևանքով 100 մարդ է սպանվել: Այս մասին հայտնում է Reuters գործակալությունը՝ հղում կատարելով աֆրիկական այս երկրի իշխանություններին:
Ինչպես հայտնում է գործակալությունը, զինյալները հրդեհել են տներ և շուկան:
Իշխանությունները հարձակվողներին ահաբեկիչներ են բնորոշել: Բուրկինա Ֆասոյում եռօրյա սուգ է հայտարարվել:
Ավելի վաղ Agence France-Presse-ը՝ հղում կատարելով աֆրիկյան այս պետության անվտանգության ծառայությանը, հայտնել էր մեկ այլ գյուղում՝ Թադարյաթում տեղի ունեցած հարձակման հետևանքով 14 զոհի մասին:
Ինչպես հայտնել է տեղի Omega ռադիոկայանը, զինյալները հարձակվել են ժողովրդական ինքնապաշտպանական ուժերի վրա, այնուհետև մտել գյուղի տարածք , որտեղ անկանոն կրակ են բացել:
