Ըստ Վրաստանի Հիվանդությունների վերահսկման ազգային կենտրոնի ղեկավար Ամիրան Գամկրելիձեի, եթե Առողջապահության համաշխարհային կազմակերպությունը հաստատի պատվաստանյութերի օգտագործումը 12 տարեկանից բարձր երեխաների շրջանում, ապա Վրաստանում նույնպես կարող է իջեցվել տարիքային սահմանը:
Նրա հայտարարությամբ, ճիշտ է, երեխաների մոտ վիրուսը մեղմ է ընթանում, բայց նրանք ակտիվ տարածողներ են:
«Դուք գիտեք, որ մինչ այժմ ԱՄՆ սննդի և դեղամիջոցների գործակալությունը «Pfizer»-ի օգտագործումը թույլատրել է 12 տարեկանից բարձր երեխաների շրջանում: Այն սկսվլ էին Նահանգները, Կանադան, իսկ երեք օր առաջ միացան Իտալիան և մի քանի այլ երկրներ: Այս հարցը քննարկվում է:
Երբ Առողջապահության համաշխարհային կազմակերպությունը հաստատի, իհարկե, այդ դեպքում մենք նույնպես կարող ենք թույլատրել պատվաստանյութն օգտագործել 12 տարեկանից բարձր անձանց շրջանում:
Որքան գիտեմ, 12 տարեկանից բարձր երեխաների շրջանում պատվաստանյութ օգտագործելու համար ուսումնասիրություններ են ընթանում չինական պատվաստանյութերի, ինչպես նաև «Astrazeneca»-ի և «Moderna»-ի վերաբերյալ: Եթե կարգավորիչները հաստատեն, Վրաստանը համապատասխանաբար կշարժվի, քանի որ, ինչպես գիտեք, երեխաների մոտ վարակը համեմատաբար մեղմ է ընթանում, բայց նրանք ակտիվ տարածողներ են»,-ասել է Գամկրելիձեն:
