2019 թվականի աշնանից ի վեր առաջին անգամ սկսել են Վենետիկ ժամանել ճամփորդանավեր եւ միաժամանակ կրկին բանավեճ Է սկսվել քաղաքի համար զանգվածային զբոսաշրջության օգուտի շուրջ:
Այդ մասին, հաղորդել Է Ռուսաստանի տուրօպերատորների ասոցիացիան (ՌՏՕԱ):
Առաջին նավը Ջուդեկա ջրանցքից անցել Է հունիսի 3-ի առավոտյան՝ քարշակի ուղեկցությամբ՝ առաջվա պես կառանվելով քաղաքի կենտրոնում:
Նա դատարկ Է ժամանել հունական Պիրեա նավահանգստից: Վենետիկում նավ կնստի ընդամենը 650 ուղեւոր այն դեպքում, երբ համավարակից առաջ նրանց թիվը եղել Է երեք հազար:
Այնուհետեւ նավը կուղեւորվի Բարի, կայցելի հունական Կորֆու եւ Միկոնոս կղզիներ եւ վերջնակետին կհասնի խորվաթական Դուբրովնիկում: Նավ նստելու համար զբոսաշրջիկները պարտավոր են ցույց տալ COVID-19-ի բացասական թեստի արդյունքը:
Ծովային ճամփորդությունների վերադարձը Վենետիկ քաղաքի բնակիչների մոտ առաջացրել Է տարբեր զգացողություններ: Ըստ իտալական ԶԼՄ-ների հաղորդագրությունների, հունիսի 5-ին նավի ուղեւորվելու ժամանակ պլանավորվել են երկու ցույցեր. մեկը՝ հաջակցություն կրուիզային զբոսաշրջության, մյուսը՝ դրա դեմ:
Ծովային ճամփորդությունների հակառակորդներն ավելի շատ են. նրանք իշխանություններին հիշեցրել են, որ մեծ ալիքները, որոնք առաջացնում են նավերը, խարխլում են շենքերի հիմքը Վենետիկում, որը տեղ Է գտել ՅՈւՆԵՍԿՕ-ի համաշխարհային ժառանգության ցուցակում:
Ծովալճակով մեծ նավերի անցնելուն վերջ դնելու անհրաժեշտության վերաբերյալ բաց նամակով Իտալիայի կառավարությանն Է դիմել Վենետիկի ժառանգության հիմնադրամը: Նամակն ստորագրել են բազմաթիվ հայտնիներ եւ մշակույթի գործիչներ, այդ թվում՝ Միկ Ջագերը, Ֆրենսիս Ֆորդ Կոպոլան, Ռիչարդ Արմսթրոնգը եւ ուրիշներ:
Նրանց կարծիքով, «զանգվածային զբոսաշրջությունը «մաշում» Է Վենետիկը», եւ պատմական վայրը կարող Է «կործանվել» նավերի կողմից: Մարտին Իտալիայի կառավարությունը հայտարարել Է, որ ճամփորդանավերը այլեւս չեն անցնի Վենետիկի նշանավոր Սան Մարկո հրապարակի մոտով եւ չեն կառանվի պատմական կենտրոնում, հաղորդել Է ՌԻԱ Նովոստին: