Ըստ վերլուծաբանների, ինչպես նաև ԱԳՆ նախարար Արա Այվազյանի հրաժարականի տեքստի ակնհայտ է, որ ԱԳՆ-ի և վարչապետի աշխատակազմի միջև խորը տարաձայնություն կա։ Այվազյանի հրաժարականը նախընտրական փուլին որոշակի շեշտադրումներ կարո՞ղ է հաղորդել։ Թեմայի շուրջ «Առաջին լրատվական»-ը զրուցել է ԱԺ Պետական-իրավական հարցերի մշտական հանձնաժողովի նախագահ Վլադիմիր Վարդանյանի հետ:
Վարդանյանը ԱԳ նախարարի պաշտոնակատարի հրաժարականը մտահոգիչ է համարում, բայց նաև հույս հայտնեց, որ հրաժարականը չի ազդի ՀՀ արտաքին քաղաքականության վրա:
Անդրադառնալով ընտրություններից առաջ երկրում տիրող մթնոլորտին, Վարդանյանը նկատեց․ «Հայաստանում գործող 5-րդ շարասյունը ամեն ինչ անում է, որ երկրում իրավիճակը ապակայունանա: Եթե կան ուժեր, որոնք ընտրություններին փորձում են որոնել այլ լուծումներ, նրանցով պետք է զբաղվեն իրավապահները»: