ԱՄՆ ազգային աերոտիեզերական գործակալությունը՝ NASA-ն, 2028-2030 թվականների ընթացքում երկու առաքելություն կուղարկի Վեներա՝ հետազոտությունները վերսկսելու համար: Դրանց նախապատրաստությունների համար կպահանջվի 1 մլրդ դոլար։ Այս մասին հայտնել է NASA-ի մամուլի ծառայությունը:
Թռիչքները դեպի Վեներա իրականացվելու են հիմնականում այն նպատակով, որպեսզի պարզվի, թե ապրելու համար նախատեսված մոլորակն ինչպես դարձավ դժոխք, այն դեպքում, երբ այն ուներ բոլոր բնութագրերը Երկիր մոլորակի նման բնակելի դառնալու համար:
DAVINCI+ առաքելության միջոցով գիտնականները մտադիր են պարզել մթնոլորտի բաղադրությունը, ինչպե՞ս է այն ձևավորվել և զարգացել, և բացի դրանից՝ արդյո՞ք այնտեղ երբևէ օվկիանոս եղել է: VERITAS առաքելության միջոցով NASA-ի փորձագետները մտադիր են կազմել Վեներայի մակերևույթի քարտեզը, հասկանալ պատճառները, թե ինչու Վեներան զարգացավ ոչ Երկրի նման: Դեպի Վեներա երկու թռիչքները կիրականացվեն վերջին 50 տարվա ընթացքում առաջին անգամ: Այդ մոլորակի ուսումնասիրությունը դադարել էր 1978 թվականից: