Չինաստանի Ցզյանսու նահանգում հայտնաբերել են H10N3 թռչնագրիպի վիրուսի շտամով մարդու վարակման դեպք: Այդ մասին ասվում է Չինաստանի առողջապահության հարցերով պետական կոմիտեի հաղորդագրության մեջ:
Հիվանդացածը 41-ամյա տղամարդ է, որն ապրում է Ցզյանսու նահանգում. ապրիլի 23-ին նրա ջերմությունը բարձրացել է և սկսել են ի հայտ գալ այլ ախտանշաններ: Ապրիլի 28-ին վիճակի վատթարացման պատճառով հիվանդին տեղափոխել են տեղի հիվանդանոց: Հիվանդությունների վերահսկողության և կանխարգելման չինական կենտրոնը մայիսի 28-ին անցկացրել է նմուշների լիահամագենային հաջորդակարգում, որոնք վերցվել են Ցզյանսուի հիվանդից. պարզվել է, որ արդյունքը դրական է H10N3 վիրուսի համար: Հաղորդագրության մեջ ասվում է, թե վիրուսի համագենի ամբողջական անալիզը ցույց է տվել, որ այն ունի թռչնային ծագում և հնարավորություն չունի «արդյունավետորեն» վարակել մարդկանց: Մարդիկ, որոնք գտնվել են հիվանդի հետ սերտ շփման մեջ, տեղափոխվել են բուժզննման, նրանց մոտ ոչ մի շեղում չի հայտնաբերվել:
Ներկայում հիվանդի վիճակը գնահատվում է որպես կայուն, և ընդհանուր առմամբ նա կարող է դուրս գրվել հիվանդանոցից: Նշվում է, որ մարդուց մարդուն H10N3-ի փոխանցման դեպքերն աշխարհում ավելի վաղ գրանցված չեն եղել, իսկ թռչունների շրջանում այդ վիրուսը համարվում է նվազ ախտածին: Փորձագետների կարծիքով, սա վիրուսի պատահական փոխանցում է թռչնից մարդուն», իսկ «զանգվածային տարածման ռիսկը չափազանց փոքր է»: Մասնագետները հանձնարարել են խուսափել հիվանդությունից սատկած թռչունների հետ շփվելուց, ինչպես նաև ըստ հնարավորինս խուսափել կենդանի թռչունների հետ շփումներից, ուշադրություն դարձնել սննդի հիգիենային և ձեռնարկել պաշտպանիչ միջոցներ:
