Թուրքիայի արտաքին գործերի նախարար Մևլյութ Չավուշօղլուն հաստատել է Ռուսաստանին աջակցությունը Ղրիմի «դեօկուպացիայի» հարցում և Ուկրաինային Bayraktar TB2 անօդաչու սարքերի վաճառքը անվանել է բիզնես: Այս մասին երկուշաբթի՝ մայիսի 31-ին, հայտնել է NTV հեռուստաալիքը:
Նշվում է, որ այս կերպ նախարարը պատասխանել է Ռուսաստանի իշխանություններին Ուկրաինայի հետ ռազմական համագործակցությունը դադարեցնելու վերաբերյալ նրանց «առաջարկություններին»:
«Մեր դիրքորոշումը Ղրիմի վերաբերյալ հայտնի է: Մենք նաև ասում ենք ռուսներին, որ որոշումը քաղաքական է: Ոչ ոք չպետք է նեղանա Ուկրաինային անօդաչու թռչող սարքերի վաճառքից: Սա առևտուր է»,- ասել է Չավուշօղլուն:
Միաժամանակ նա նշել է, որ Մոսկվան հրթիռներ է մատակարարում Սիրիային կամ այլ երկրներին, իսկ Անկարան կասկածի տակ չի դնում այդ գործողությունները: Բացի դրանից՝ նախարարը հիշեցրել է, որ Կիևի հետ Bayraktar TB2 անօդաչու թռչող սարքերի վերաբերյալ համաձայնագիրը ստորագրվել էր շատ տարիներ առաջ։
Վերջապես, Չավուշօղլուն բացատրել է, որ անօդաչու թռչող սարքերի մեծ պահանջարկ կա ամբողջ աշխարհում, և Թուրքիան մտադիր է բավարարել այն:
