Հայտնի են դարձել Բելառուսի եւ Ռուսաստանի նախագահներ Ալեքսանդր Լուկաշենկոյի եւ Վլադիմիր Պուտինի՝ մայիսի 29-ին Սոչիում կայացած ոչ պաշտոնական հանդիպման մանրամասները: Այդ մասին, հաղորդել Է ԲԵԼՏԱ գործակալությունը: «Վերջնականապես լուծվել Է պետական վարկի երկրորդ մասնաբաժնի փոխանցման հարցը:
Ձեռք Է բերվել պայմանավորվածություն «Բելավիա»-ի նոր չվերթների բացման շուրջ»,-ասվում Է հաղորդագրության մեջ: Ինչպես հաղորդել Է ԲԵԼՏԱ-ն, 500 մլն դոլար ռուսաստանյան վարկի երկրորդ մասնաբաժինն սպասվում Է ստանալ առաջին կիսամյակում: Բելառուսին 1 մլրդ դոլար գումարին համարժեք ռուսաստանյան վարկ տրամադրելու շուրջ համաձայնագիրն ստորագրվել Է 2020 թվականի դեկտեմբերի 21-ին: 500 մլն դոլարի չափով վարկի առաջին մասնաբաժինը Բելառուսի ֆինանսների նախարարությունն ստացել Է անցյալ տարվա դեկտեմբերի 30-ին: Բելառուսի նախագահն աշխատանքիայն այցով Ռուսաստան Է ժամանել մայիսի 28-ին:
Այդ նույն օրը երեկոյան Սոչիում Բոչարով Ռուչեյ նստավայրում անցկացվել են երկու երկրների ղեկավարների բանակցությունները, որոնք տեւել են ավելի քան հինգ ժամ: Հանդիպման սկզբում Ալեքսանդր Լուկաշենկոն եւ Վլադիմիր Պուտինը ավանդաբար հայտարարություններ են փոխանակել, ողջունելով միմյանց, նշել են Բելառուսի ու Ռուսաստանի համագործակցության աճը տարբեր ոլորտներում, ինչպես նաեւ դրական միտումների ամրապնդման հույս հայտնել:
Բելառուսական պետության ղեկավարն իր պաշտոնակցին տեղեկացրել Է Ryanair-ի ինքնաթիռի հետ կապված միջադեպի շուրջ ստեղծված իրադրության մասին: Նա վստահություն Է հայտնել, որ կհաջողվի հաղթահարել առաջացած մարտահրավերները եւ արտաքին ճնշումը: Մայիսի 28-ին բանակցությունների մի մասը նախագահներն անցկացրել են աշխատանքային ընթրիքի եւ թեյախմության ժամանակ: Հաջորդ օրը Ալեքսանդր Լուկաշենկոն եւ Վլադիմիր Պուտինը շփումը շարունակել են ոչ պաշտոնական մթնոլորտում:
