Грузия Online-ի փոխանցմամբ՝ 2012 թվականին Աջարիա կայցելի 2 միլիոն զբոսաշրջիկ։ Ինքնավար հանրապետության հաշվարկներով՝ այդ 2 միլիոնից 1.1 միլիոնը կլինեն ներքին զբոսաշրջիկները, իսկ 0.9 միլիոնը՝ օտարազգիները։
Նույն հաշվարկով՝ Բաթումում հանգստանալ նախընտրողների թիվը հասնելու է 1.2 միլիոնի, որոնցից 660,000-ը՝ ներքին զբոսաշրջիկներ, իսկ 540,000-ը՝ օտարազգիներ։
Աջարիայում նոր հյուրանոցների կառուցման շնորհիվ հյուրանոցային համարների քանակը կավելանա 4000-ով։ Նշվում է, թե այս տարի ակնկալվում է, որ Աջարիա կայցելի 1.5 միլիոն զբոսաշրջիկ, որից 950,000-ը կազմելու են ներքին զբոսաշրջիկները, իսկ 550,000-ը՝ օտարազգիները։
Հիշեցնենք, որ այս տարի Վրաստան այցելած զբոսաշրջիկների թիվն աճել է 45 տոկոսով։ Վրաստանի Զբոսաշրջության ազգային գործակալության տվյալներով՝ 2011 թվականի հունվար-հուլիսին Վրաստան է այցելել 1,444,299 մարդ, ինչը 45 տոկոսով ավելի է՝ համեմատած նախորդ տարվա միևնույն ժամանակահատվածի հետ։
