ԱՄՆ նախագահ Ջո Բայդենի վարչակազմը Կոնգրեսից 752,9 մլրդ դոլար է խնդրում պաշտպանական ծախսերի համար, որից 715 մլրդ դոլարը կուղղվի Պենտագոնին։ Այս մասին ասվում է ՊՆ հայտարարության մեջ, փոխանցում է TASS-ը։
ՊՆ-ում ընդգծել են, որ բյուջետային նախագիծն արտացոլում է նախագահ Բայդենի այնպիսի առաջնահերթություններ, ինչպիսին են անվերջանալի պատերազմների դադարեցումը, ներդրումն առաջադեմ տեխնոլոգիաներում՝ ապագայում ռազմական և ազգային անվտանգության ոլորտում գերազանություն ապահովելու համար, ինչպես նաև ԱՄՆ-ի միությունների ու գործընկերությունների աննախադեպ ցանցի վերածնունդը։
Ներկայում ՄԱՆ-ը բախվում է լուրջ խնդիրների, որոնք գալիս են Ռուսաստանից ու Չինաստանից, ինչպես նաև գլոբալ անվտանգության սպառնալիքների, ինչպիսիք են պանդեմիան և կլիմայի փոփոխությունը։ Բյուջեն կոչված է լուծելու այդ խնդիրները։2022 թվականի բյուջեն 1․6 տոկոսով ավելի է 2021 թվականի բյուջեից։
Նշվում է, որ 20․4 մլրդ դոլար կհատկացվի հակահրթիռային պաշտպանությանը, 20․6 մլրդ՝ տիեզերական արձակումներին և GPS նավիգացիոն համակարգի արդիականացմանը, ևս 10․4 մլրդ՝ կիբերանվտանգությանը։
