Եվրոպական դեղերի գործակալությունը (EMA) «կանաչ լույս» է վառել Եվրամիության տարածքում Pfizer / BioNTech կորոնավիրուսի պատվաստանյութերը 12-15 տարեկան դեռահասներիի շրջանում օգտագործելու համար, ասել է EMA- ի պատվաստումների ռազմավարության բաժնի ղեկավար Մարկո Կավալերին:
«EMA կոմիտեն այսօր հաստատեց 12-15 տարեկան դեռահասների շրջանում Pfizer / BioNTech պատվաստանյութի օգտագործումը», – ասել նա ճեպազրույցում:
Մայիսի սկզբին դեղերի վերահսկման կարգավորողը հայտնել էր, որ կքննարկի այս տարիքային խմբի դեռահասների համար Pfizer Comirnaty պատվաստանյութի կիրառման առաջարկը : Ներկայում այն օգտագործվում է 16 տարեկանից բարձր անձանց համար:
Այնուհետ գործակալությունը մայիսի 28-ին նշանակեց պրոֆիլային հանձնաժողովի արտահերթ նիստ՝ եզրակացություն հայտնելու 12-15 տարեկան դեռահասների համար պատվաստանյութը օգտագործելու հնարավորության մասին: