«Իրանի ԱԳ նախարարի այցի նպատակը Ադրբեջան, ապա Հայաստան, Սյունիքի մարզում իրավիճակի սրումն է, ադրբեջանցիների առաջխաղացումը Հայաստանի տարածք: Դա Իրանի համար կենսական նշանակություն ունի: Եթե Աստված մի արասցե, այսպես կոչված միջանցքը բացվի կամ ավելի վատ զարգացումներ լինեն, նախ Իրանի համար կբարձրանա Թուրքիայի՝ որպես աշխարհաքաղաքական սուբյեկտ դերը, երկրորդ՝ Իրանը կկորցնի դեպի Եվրոպա այլընտրանքային ճանապարհը… Բացի այդ Հայաստանը միակ երկիրն է, որի հետ Իրանը որևէ խնդիր չունի, այսինքն զուտ բարեկամական հարաբերություններ են, անվտանգության ոլորտում մեր շահերը համընկնում են»,-«Առաջին լրատվական»-ի հետ զրույցում ասաց իրանագետ Էմմա Բեգիջանյանը:
Մեր զրուցակցի խոսքով՝ այսուհանդերձ, Իրանի ԱԳ նախարարը Ադրբեջանում կրկին շնորհավորեց և հաճոխայախոսեց Ադրբեջանի նախագահ Ալիևին, բայց նպատակը դա չէր: «Ինձ թվում է նպատակը Ադրբեջանին զգուշացնելն էր, որ Իրանը չի հանդուրժի սահմանների փոփոխություն տարածաշրջանում»:
Առավել մանրամասն՝ տեսանյութում: