Բնապահպանության նախարարությունը տուգանել է Զանգեզուրի պղնձամոլիբդենային կոմբինատին 650 հազար դրամով` Ողջի գետը աղտոտելու համար,այդ մասին այսօր տեղի ունեցած ասուլիսի ժամանակ հայտնեց բնապահպանության նախարարության բնապահպանության պետական տեսչության կենսաբազմության վերահսկողության բաժնի պետ Հովհաննես Հունանյանը: Նա նշեց, որ 650 հազար դրամից բացի՝ ևս 100 հազար դրամ վարչական տուգանք է նշանակվել պղնձամոլիբդենային կոմբինատի համար:Հովհաննես Հունանյանի խոսքով` իրենք ահազանգը ստանալուց հետո ուսումնասիրել են Ողջի գետի ջուրը և պարզել, որ ջուրն աղտոտվել է պղնձամոլիբդենային կոմբինատի արտանետումների պատճառով, սակայն ոչ այնքան, որ վնասի գետի կենդանական աշխարհը: Գիտության ազգային ակադեմիայի կենդանաբանության և հիդրոէկոլոգիայի գիտական կենտրոնի և ձկնաբանության ինստիտուտի տնօրեն Բարդուղ Գաբրիելյանը նշեց, որ այս պահին միանշանակ չի կարելի ասել, որ կենդանական աշխարհը չի վնասվել:
