Մայիսի 27-ին և հունիսի 1-ին երկու խոշոր աստղակերպ Երկրին կմոտենա բավական մոտ տարածությամբ: Այս մասին հայտնել է ՆԱՍԱ-ի Ռեակտիվ շարժման լաբորատորիայի մերձերկրային օբյեկտների հետազոտման կենտրոնի (CNEOS) մամուլի ծառայությունը։
Գիտնականների հաշվարկներով ՝ 2021 JF1 անունով առաջին տիեզերական օբյեկտը չափերով ավելի մեծ է, քան Նյու Յորքի Ազատության արձանը ՝ 94–210 մետր տրամագծով: Այն շարժվում է վայրկյանում շուրջ 17 կմ արագությամբ և Երկրի կողքով կանցնի մայիսի 27-ին:
ՆԱՍԱ-ն այն դասել է «Ապոլոն» խմբի ամենավտանգավոր մերձերկրային օբյեկտներից մեկի շարքին։
Երկրորդ աստղակերպը՝ 2021 CT1-ը, թռչում է վայրկյանում մոտ 18 կիլոմետր արագությամբ, իսկ դրա տրամագիծը կազմում է 150-330 մետր (կարելի է համեմատել Փարիզի Էյֆելյան աշտարակի հետ): Աստղագետները կարծում են, որ այն Երկրին կմոտենա հունիսի 1-ին և կանցնի 13 մլն կիլոմետր հեռավորության վրա: