Կորոնավիրուսի դեմ պայքարի գծով Վրաստանի միջգերատեսչական կոորդինացիոն խորհուրդը որոշում Է ընդունել հունիսի 1-ից հանել սահմանափակումները, որոնք սննդի օբյեկտների համար գործում են հանգստյան օրերին: Այդ մասին հայտարարել Է COVID-19-ի դեմ պայքարի գծով օպերատիվ շտաբի ղեկավար Գեորգի Գիբրաձեն:
Այժմ սննդի օբյեկտները հանգստյան օրերին կկարողանան այցելուներին ընդունել նաեւ փակ հաստատություններում: Անցած շաբաթ Խորհուրդը որոշում Էր ընդունել բաց տիպի ռեստորաններին թույլատրել այցելուներին ընդունել հանգստյան օրերին:
Ավելի վաղ Վրաստանում սննդի օբյեկտները կարող Էին աշխատել միայն աշխատանքային օրերին, իսկ շաբաթ եւ կիրակի օրերին՝ միայն առաքմամբ: Դրա հետ մեկտեղ զանգվածային միջոցառումների անցկացման սահմանափակումները մնում են ուժի մեջ:
«Ցանկանում եմ հիշեցնել, որ սոցիալական միջոցառումների (հիշատակի օրերի, հարսանիքների եւ բանկետների) անցկացման սահմանափակումները մնում են ուժի մեջ»,-ասել Է Գիբրաձեն: Նաեւ ուժի մեջ են մնում գիշերային ժամերին քաղաքացիների տեղաշարժման սահմանափակումները:
Այսպես կոչված «պարետային ժամի» գործողության ժամանակը Վրաստանում 23:00-ից մինչեւ 05:00-ն Է, հաղորդել Է Sputnik-ը: