Կլիմայագետները հետևել են, թե ինչպես է փոխվել Երկրի բուսական աշխարհի կազմը վերջին 18 հազար տարվա ընթացքում և եկել այն եզրակացության, որ վերջին 2.9 հազար տարվա ընթացքում այդ փոփոխությունների տեմպերն հասել են ռեկորդային բարձր մակարդակի: Այս մասին հայտնել է ՏԱՍՍ լրատվականը՝ հղում անելով Վիսկոնսինի համալսարանի մամուլի ծառայությանը։
«Այս հայտնագործությունը մեզ համար անակնկալ էր, քանի որ վերջին մի քանի հազար տարվա ընթացքում Երկրի կլիման համեմատաբար քիչ է փոխվել: Միևնույն ժամանակ, էկոհամակարգերի փոփոխության արագությունը նույնքան բարձր էր կամ նույնիսկ ավելի բարձր, քան սառցե դարաշրջանի ավարտից հետո: 4 հազար տարի առաջ մարդը սկսեց ուժեղ ազդեցություն ունենալ մոլորակի արտաքին տեսքի վրա», – ասել է Վիսկոնսինի համալսարանի պրոֆեսոր Ջեք Ուիլյամսը։
Ամենաուժեղ փոփոխությունները տեղի են ունեցել Երկրագնդի այն մայրցամաքներում, որտեղ այդ ժամանակ գյուղատնտեսությունը զարգանում էր, այդ թվում՝ արևմտյան և կենտրոնական Եվրոպայում, Մերձավոր Արևելքի, Կենտրոնական Ասիայի որոշ շրջաններում և Հարավային Ամերիկայի որոշ հատվածներում։ Գիտնականները ենթադրում են, որ մոտ ապագայում գլոբալ տաքացման արդյունքում այդ փոփոխությունների տեմպերը կարող են էլ ավելի բարձրանալ: Պրոֆեսոր Ուիլյամսը և նրա թիմը հույս ունեն, որ իրենց հավաքած տվյալները կլիմայագետներին կօգնեն կանխատեսել, թե ճշգրիտ ինչպես կփոխվի Երկրի բուսական աշխարհը և գնահատել այդ փոփոխությունների ազդեցությունը մարդու կյանքի վրա: