Լեհաստանը Թուրքիայից 24 ԱԹՍ և հակատանկային հրթիռներ կգնի: Այս մասին այսօր հայտարարել է Լեհաստանի պաշտպանության նախարար Մարիուշ Բլաշակը՝ հայտնում է ՏԱՍՍ գործակալությունը:
«Դրանք Bayraktar-ներ են, որոնք կիրառվել են արևելքում և մերձավոր Արևելքում: Ձեռք ենք բերում ռազմական տեխնիկա, որը մինչ այժմ մեր զինված ուժերում չենք ունեցել: Փորձված, արդյունավետ զինատեսակներ են, որոնք վախեցնում են ագրեսորներին»,-ասել է Լեհաստանի պաշտպանության նախարարը:
Բլաշակը նշել է, որ ձեռքբերման համաձայնագիրը կստորագրվի Լեհաստանի նախագահ Անջեյ Դուդայի Թուրքիա այցի ընթացքում, որը մեկնարկում է երկուշաբթի:
«Առաջին խմբաքանակը Լեհաստան կհասնի մեկ տարի հետո՝ 2022 թվականին» ,- նշել է Լեհաստանի պաշտպանության նախարարը՝ հավելելով, որ համաձայն պայմանագրի իրենք կստանան նաև լոգիստիկ և ուսուցողական փաթեթ:
Bayraktar TB2 -ը հարվածային ԱԹՍ է, որը խոցում է 150 կմ շառավղով, 130 կմ/ժ արագություն ունի:
