Փրկարարները հայտնաբերել են երեք ձկնորսի նավակը, որոնք ապրիլի 27-ին դուրս էին եկել ծով և անհետացել: Այս մասին շաբաթ օրը հաղորդել է ՌԴ արտակարգ իրավիճակների նախարարության Սախալինի շրջանի վարչության մամուլի ծառայությունը:
«Ուրբաթ օրը Սախալինի վարչության փրկարարները ստուգել են Պիլվո գյուղից (Սախալինի հյուսիս) դեպի հյուսիս ջրային տարածքը: Ստուգվել է 60 քառակուսի կիլոմետր ջրային տարածք։ Պիլվոյից 20 կիլոմետր հեռավորության վրա գտնվող ափին հայտնաբերվել է ավազով ծածկված նավակ», – ասվում է հաղորդագրության մեջ:
Նավի լուսանկարը և հայտնաբերման վայրի կոորդինատները փոխանցվել են Սմիրնիխովսկի շրջանի ՆԳՆ՝ հետագա քննչական միջոցառումների համար, հայտնում է արտակարգ իրավիճակների նախարարությունը: