1995-ին արքայադուստր Դիանայից (1961-1997) հարցազրույցի համաձայնություն ստանալու հարցում BBC- ի նախկին հաղորդավար Մարտին Բաշիրի խարդախ գործողությունները նրա մոտ առաջացրել են պարանոյա: Այդ կարծիքն են ուրբաթ օրը հայտնել Ուելսի արքայադստեր որդիները՝ Քեմբրիջի դուքս Ուիլյամը և Սասեքսի հերցոգ Հարրին՝ մեկնաբանելով սկանդալային հարցազրույցի հանգամանքների հետաքննության արդյունքները:
«Իմ կարծիքով, հարցազրույցի համար համաձայնություն ձեռք բերելու խարդախ ձևն ազդեց այն բանի վրա, թե դրանում ինչ է ասում մայրս: Այս հարցազրույցը լուրջ պատճառ էր, որ ծնողներիս հարաբերությունները վատթարանան, և այն ահռելի վնաս հասցրեց այլ մարդկանց: Ահավոր տխուր է գիտակցել այն փաստը, որ BBC- ի թույլ տված սխալները զգալիորեն ազդեցին այն բանի վրա, որ նրա [արքայադուստր Դիանայի] մոտ առաջացել են վախեր, պարանոյա և ինքնամփոփ վիճակ, ես հիշում եմ, որ նրա կյանքի վերջում այդպես էր», – ասում է արքայազն Ուիլյամը իր տեսաուղերձում:
Ինչպես ավելացրել է Քեմբրիջի դուքսը, «Ամենասարսափելին այն է, որ եթե 1995-ին BBC- ն մանրակրկիտ ուսումնասիրեր բողոքներն ու մտահոգությունները [հարցազրույցի վերաբերյալ], նրա մայրը կիմանար, որ իրեն խաբել են։ «Նրան հուսախաբ է արել ոչ միայն սրիկա թղթակիցն, այլ նաև BBC- ի ղեկավարությունը, որը կոշտ հարցեր տալու փոխարեն աչք է փակել իրավիճակի վրա», – ասել է նա: Ըստ արքայազն Ուիլյամի՝ Panorama ծրագիրը, որում հարցազրույց է տալիս արքայադուստր Դիանան, որը ցուցադրվում է 1953 թվականից, «այլևս չպետք է եթեր դուրս գար»՝ իր անվստահելիության պատճառով:
Իր հերթին, արքայազն Հարրին ասել է, որ իր մոր «շահագործման մշակույթի և ոչ բարոյական պրակտիկայի ցնցող ազդեցությունը վերջիվերջո խլեցին նրա կյանքը»: «Ես խորապես մտահոգված եմ, որ այս և նույնիսկ ավելի սարսափելի պրակտիկան այսօր էլ տարածված է: Զրույցը չի սահմանափակվում միայն որոշակի հրատարակությամբ, գործակալությամբ կամ մեկ հրապարակմամբ», – ասել է Սասեքսի դուքսը, որը անցյալ տարի տեղափոխվել է Միացյալ Նահանգներ:
Հինգշաբթի օրը BBC- ն ներողություն է խնդրել թագավորական ընտանիքից և, ընդհանուր առմամբ, իր լսարանից Բաշիրի գործողությունների համար, որը 1995 թ. սկանդալային հարցազրույց է արել արքայադուստր Դիանայի հետ։ Համապատասխան հայտարարությունն արվել է Մեծ Բրիտանիայի Գերագույն դատարանի նախկին դատավոր Ջոն Դայսոնի կողմից անցկացված հատուկ անկախ հետաքննության արդյունքների վերաբերյալ զեկույցի հրապարակումից հետո:
Նա եզրակացրել է, որ Բաշիրը դիմել էր խաբեության՝ արքայադուստր Դիանայի հետ հարցազրույց ստանալու համար, աջակցություն ստանալով նրա կրտսեր եղբայր՝ Չարլզ Սփենսերից, այն բանից հետո, երբ ցույց է տվել նրան բանկային քաղվածքներ, որոնք ցույց էին տալիս, որ Բուքինգհեմյան պալատի աշխատակիցները քրոջ շրջապատից վարձված են եղել նրան լրտեսելու համար: Ավելի ուշ պարզվել է, որ այդ քաղվածքները կեղծվել են BBC- ի համար աշխատող գրաֆիկական նկարչի կողմից լրագրողի խնդրանքով:
Միևնույն ժամանակ, ըստ զեկույցի, գահաժառանգ Ուելսի արքայազն Չարլզի կինը նույնպես շահագրգռված էր հարցազրույց տալ կորպորացիային, չնայած Բաշիրի գործողություններին: Դայսոնը տեղադրեցժլ է արքայադուստր Դիանայի կազմած գրությունը, որում ասվում էր, որ Բաշիրը իրեն ցույց չի տվել որևէ փաստաթուղթ կամ այլ տեղեկատվություն, որոնց մասին ինքը նախկինում տեղյակ չէր: «Ես համաձայնել եմ հարցազրույցի առանց որևէ ճնշման և չեմ զղջում դրա համար», – ասված է Ուելսի արքայադստերի վերջերս գտած գրության մեջ, որը վաղուց կորած էր համարվում:
Արքայադուստր Դիանայի 1995 թ.-ին Քենսինգթոնյան պալատում կայացած «Պանորամայի» համար հարցազրույցը սենսացիա է առաջացրել Մեծ Բրիտանիայում, քանի որ առաջին անգամ էր արքայական ընտանիքի բարձրաստիճան անդամը տեսախցիկով մանրամասնում Բուքինգհեմյան պալատում տեղի ունեցած տարաձայնսությունների մասին: Ուելսի արքայազն Չարլզի կինը Բաշիրի հետ զրույցի ընթացքում մի շարք սկանդալային հայտարարություններ է արել՝ մասնավորապես ասելով, որ «նրա ամուսնության մեջ երեք մարդ կար», նկատի ունենալով գահաժառանգի երկարամյա սիրելիին՝ Կամիլա Փարքեր-Բոուլզին, ով հետագայում դարձել է նրա կինը:
Բացի այդ, նա կարծիք է հայտնել, որ արքայազն Չարլզը գահ բարձրանալուց հետո գուցե դժվարանա հաղթահարել ճնշումը: Այս հարցազրույցը դիտել է շուրջ 23 միլիոն մարդ, իսկ դրա աթողարկումից մեկ ամիս անց Եղիսաբեթ Երկրորդ թագուհին նամակ է ուղարկել Դիանաին և Չարլզին, որով նա խորհուրդ է տվել նրանց ամուսնալուծվել:
