Իսպանիայի վարչապետ Պեդրո Սանչեսը հայտարարել Է Սեուտայից Մարոկկո 4,8 հազար անօրինական միգրանտների վերադառնալու մասին, որոնք իսպանական տարածք Էին ժամանել այս շաբաթվա սկզբին: Այդ մասին գրում Է El Pais թերթը: Անօրինական միգրանտների մի մասը Մարոկկոյի տարածք Է վերադարձել կամավոր, իսկ մյուս մասը՝ հարկադրաբար: Առաջիկայում գործընթացը պետք Է շարունակվի, քանի որ անօրինական միգրանտների ընդհանուր թիվը, որոնք վերջին օրերին ժամանել Էին Սեուտա, հասնում Է մոտավորապես 8 հազարի:
Մայիսի 19-ին տասնյակ միգրանտներ շարունակում են ընդհուպ մինչեւ Սեուտա հասնելու փորձերը: Նրանց մի մասն անչափահասներ են: Սանչեսն այժ շաբաթ ավելի վաղ հավաստիացրել Է, որ միջոցներ կձեռնարկի ճգնաժամը հաղթահարելու համար: «Այժմ իմ գերակայությունն իրադրության նորմալացումն Է Սեուտայում: Այնտեղ քաղաքացիները պետք Է իմանան, որ Իսպանիայի կառավարությունն իրենց աջակցում Է, ընդ որում՝ առավելագույնս վճռականորեն, որպեսզի նրանց անվտանգությունն ապահովվի ցանկացած իրադրության պայմաններում»,-նա իր Twitter-ում գրել Է մայիսի 18-ին:
Իր կողմից Սեուտայի ղեկավար Խուան Խեսուս Վիվասը մայիսի 18-ին իշխանություններին հորդորել Է՝ անօրինական միգրանտներին արագորեն վերադարձնել Մարոկկո: «Մեզ մոտ Մարոկկոյի հետ գործում են պայմանավորվածություններ, որոնց համաձայն, մենք իրավունք ունենք անհապաղ հարկադրաբար վերադարձնել անօրինական միգրանտներին»,-ասել Է Վիվասը: Սեուտան իսպանական տարածք Է Աֆրիկայի հյուսիսում: Այն գտնվում Է Ջիրալթարի դեմ հանդիման եւ սահմանակից Է Մարոկկոյին: Անօրինական միգրանտները ձգտում են հայտնվել Սեուտայում, հուսալով, որ ապաստան կստանան Իսպանիայում, հաղորդել Է «Ինտերֆաքս»-ը: