Համաշխարհային հանրությունը պետք է ամեն ինչ անի, որ թույլ չտա Երկրորդ համաշխարհային պատերազմի կրկնությունն ու չմոռացվեն դրա դասերը, համոզված է ՌԴ նախագահ Վլադիմիր Պուտինը:
«Վստահ ենք, պետք է ամեն ինչ անել, որ թույլ չտրվի Երկրորդ համաշխարհային պատերազմի ողբերգությունը, դասերի մոռացությունը»,- երեքշաբթի ասել է երկրի ղեկավարը օտարերկրյա դեսպաններին հավատարմագրերի հանձնման արարողության ժամանակ:
Պուտինի խոսքերով՝ բոլոր երկրները պարտավոր են պահպանել ընդհանուր մարտահրավերների ու սպառնալիքների դեմ պայքարում միասնականության անգին փորձը և ոգին, հիշել, թե ինչի կարող է հանգեցնել ազգայնականության և այլատյացության ինդուլգենցիան, համատեղ մշակել միասնական օրակարգ ավելի արդար և ժողովրդավարական բազմաբևեռ աշխարհակարգի ձևավորման համար՝ ապահովելով մարդկության բարեկեցությունն ու զարգացումը:
Նախագահը հիշեցրել է, որ մայիսի 9-ին Ռուսաստանը նշել է Մեծ հայրենականում Հաղթանակի օրը:
«Այն սկսվել է 1941-ի հունիսի 22-ին, 80 տարի առաջ, երբ նացիստները ուխտադրժորեն հարձակվեցին Ռուսաստանի վրա: Մենք սրբորեն պահպանում են նրանց հիշատակը, ովքեր կռվել են, տվել իրենց կյանքը հանուն խաղաղության ու ազատության, անձնվիրաբար աշխատել են թիկունքում, մենք հարգում ենք մեր վետերաններին»,- ընդգծել է Պուտինը:
