Ի՞նչ է վաճառվում երևանյան հուշանվերների խանութներում, և ի՞նչ են սովորաբար նախընտրում գնել զբոսաշրջիկները. փորձեց պարզել «Առաջին լրատվականը»՝ շրջելով Երևանի կենտրոնում տեղակայված հուշանվերների խանութներում:
Զբոսաշրջիկները, սփյուռքահայերն ու պարզապես գեղեցիկ իրերի սիրահարները հուշանվերների խանութներում կարող են գտնել իրենց գրպանին ու ճաշակին համապատասխան գրեթե ամեն ինչ՝ կիրառական արվեստի հետաքրքիր նմուշներ՝ սափորներից, աղամաններից մինչև ափսեներ ու գդալներ, մագնիսներ, եռագույն դրոշներ, բիժուտերիա, հայկական ավանդական զարդանախշերով գլխարկներ, բրդյա թելերից գործված հետաքրքիր տիկնիկներ, նկարներ, բացիկներ, շարֆեր ու պայուսակներ, ինչպես նաև՝ հուշադրամներ:
Ավելի շատ վաճառվում են համեմատաբար մատչելի՝ մինչև 5000 դրամ արժողությամբ՝ Հայաստանը խորհրդանշող իրեր:
Հուշանվերներ կարելի է գնել՝ սկսած 400 դրամից:
