ԱՄՆ Այովա նահանգի Սիբլի քաղաքի մոտ Union Pacific ընկերության՝ վտանգավոր նյութեր տեղափոխող բեռնատար գնացքը դուրս է եկել ռելսերից և սկսել այրվել։ Reuters լրատվական գործակալության փոխանցմամբ՝ միջադեպի պատճառով 80 մարդ տարհանվել է։
Սիբլիի հրշեջ բաժանմունքի ղեկավարը հայտնել է, որ գնացքը տեղափոխում էր պարարտանյութ և ամոնիում։
Որպես նախազգուշական միջոցառում, տարհանումներ են կատարվել դեպքի վայրից՝ շուրջ 8 կմ շառավղով տարածքից։
Union Pacific-ը տեղեկացրել է, որ գնացքի անձնակազմը չի տուժել։