Իսրայելի ռազմածովային ուժերը և օդուժը Գազայի հատվածում՝ անկլավի ափին, հարվածել են ՀԱՄԱՍ-ի սուզանավին, հայտնում է հրեական պետության մամուլի ծառայությունը:
«Այսօր, օգտագործելով օդային հետախուզություն և նավատորմ, ՑԱԽԱԼ (ЦАХАЛ)-ը կասկածելի նավ է նկատել, որը, ենթադրաբար, ՀԱՄԱՍ-ի սուզանավ էր: Նավը մոտեցրել են ափին, հավանաբար, իսրայելական ջրերում ահաբեկչական գործողություն իրականացնելու նպատակով: Որոշ ժամանակ առաջ իսրայելական ռազմանավը և ինքնաթիռները գրոհել են՝ սպառնալիքը վերացնելու համար»,- ասվում է զինվորականների հաղորդագրության մեջ:
Իսրայելի սահմանին և պաղեստինյան Գազայի հատվածում իրավիճակը մայիսի 10-ի երեկոյան փոխվել է: Սկզբում դեպի Իսրայելի տարածք Գազայի հատվածից արձակվել է ավելի քան 3 հազար հրթիռ, որոնցից մոտ 1210-ը ոչնչացվել է: Վերջին տեղեկություններով՝ Իսրայելում զոհվել է 10 մարդ, մոտ 50-ը ծանր վիրավորվել է: Իսրայելը ևս հարյուրավոր հարվածներ է հասցրել Գազայի հատվածին: Մոսկվայում Պաղեստինի դեսպանի խոսքերով՝ իսրայելական ավիահարվածների հետևանքով սպանված պաղեստինցիների թիվը հասել է 218-ի, զոհերի թվում կա 58 երեխա: