Իրավապահների կատարված բացատրական աշխատանքների արդյունքում ինքնակամ ոստիկանություն է ներկայացել Երևանի բնակիչ, 34-ամյա Նարեկ Սամսոնյանը։ Նա կասկածվում է մայիսի 13-ին Նար-Դոսի՝ ժողովրդին հայտնի «Դագաղների» փողոցում իր մոտ եղած ատրճանակով Երևանի բնակիչ, 24-ամյա Վաղինակ Բաղյանին կրակելու և դեպքից վայրից փախուստի դիմելու համար, գրում է shamshyan.com-ը։
Ըստ աղբյուրի՝ նա ոստիկանության կենտրոնական բաժնից ներկայացվելու է քննական բաժին։
Ավելի վաղ աղբյուրը հայտնել էր, որ Նարեկ Սամսոնյանը մայիսի 13-ին՝ ժամը 18։10-ի սահմանում, Նար-Դոսի փողոցի 39/ա հասցեի դիմացի փողոցի հատվածում իր վարած «Nissan Murano» մակնիշի ավտոմեքենայ է եղել, երբ Վ. Բազեյանը իջել էր իր «Toyota Camry» մակնիշի ավտոմեքենայից և ձեռքով մի քանի անգամ հարվածել ու կոտրել էր Ն. Սամսոնյանի ավտոմեքենայի հետևի ապակին, որից հետո վերջինս իր ավտոմեքենայի միջից դեռևս չպարզված տիպի ատրճանակից կրակել էր Վ. Բազեյանի ուղղությամբ, վիրավորել։ Նա ծայրահեղ ծանր ախտորոշմամբ՝ «պարանոցի ծակած վերք՝ հարցականով», տեղափոխվել էր հիվանդանոց։
Հիվանդանոցի բժիշկներին հաջողվել էր փրկել նրա կյանքը, սակայն նա դեռևս մնալու է վերակենդանացման բաժանմունքում, բժիշկների հսկողության տակ։ Ըստ աղբյուրի՝ վիրավորում ստացածը հայտնի «Բաքսյոր Վաղոն» է։