Կալիֆոռնիայում կրկին վաճառքի է հանվել Villa Maggio-ն՝ այն տունը, որտեղ ապրել է Ֆրենկ Սինատրան, որտեղ նա թաքնվել է լրագրողներից և հանգստացել: Կառուցվել է 1967 թվականին, ստացել այդ անունը «Այժմ և առհավետ՝շարքային Անջելո Մաջիո» ֆիլմի հերոսի պատվին: Այդ դերն,ի դեպ, խաղացել է հենց Սինատրան և 1954 թվականին «Օսկար» ստացել: Լեգենդար երգչի հանրահայտ տունը ոչ մի կերպ չի վաճառվում 2008 թվականից, թեև անընդհատ հայտնվում է անշարժ գույքի գործակալների կատալոգներում:
Villa Maggio-ն եղել է Սինատրայի սիրած տներից մեկը: Այն լեռնային շրջանում է, մոտ 4 հա տարածք է գրավում և բավական հեռու է աղմկոտ Լաս Վեգասից: Տան լուսամուտից ֆանտաստիկ տեսարան է բացվում դեպի անտառներն ու լեռները: Կառուցված և նորոգված է գյուղական ոճով՝ փայտե կահույք,քարե հատակ, 5 ննջարան ունի, 6 լոգասենյակ, աշխատասենյակ, հյուրասենյակ, ճաշասենյակ, և մի քանի սենյակներ,որտեղ կա բուխարի: Բակում լողավազան և 24 մեքենայի համար կայանատեղի կա:
Այս հրաշալի տան համար գնորդ չի գտնվում ոչ այնքան գնի պատճառով՝ արժե 4.25 մլն դոլար, այլ մեծ մասամբ՝սպասարկման գումարի պատճառով:
Բանն այն է, որ ԱՄՆ-ում մասնավոր տուն ունենալը թանկ հաճույք է: Բացի այդм անգամ Սինատրայի ամենամոլի երկրպագուները գալիս են այդտեղ ոչ թե որպես տուն, այլ՝ որպես թանգարան Տան առավելություններից մեկն էլ այն է, որ գնորդը հարևան կդառնա Քիմ Քարդաշյանին և Լեոնարդո Դի Կապրիոյին: Նրանց տները ևս մոտակայքում են: