Յուրաքանչյուր ՌԴ բնակիչ միջինը 48 հնարավորություն ունի կյանքի ընթացքում իր երկրորդ կեսին գտնելու համար: Նման հաշվարկ է իրականացրել Badoo ծանոթությունների կայքը:
Ռուսների մոտ շատ տարածված է կյանքի միակ ուղեկցին գտնելու գաղափարը: Բնակիչների 52 տոկոսը փնտրում է «հենց այն միակին», իսկ շատերն էլ մտավախություն ունեն, թե արդեն բաց են թողել իրենց հնարավորությունը:
Հարցման մասնակիցները նշել են բնավորության ամենապահանջված գծերը՝ ազնվություն (70%), հուսալիություն (58%), հավատարմություն (53%), հոգատարություն (53%), օգնելու կարողություն և ցանկություն (47%): Հարցման մասնակիցների միայն 13% -ն է նշել արտաքին տվյալները, 12% -ը՝ ֆինանսական կարողությունները:
Badoo կայքի պատվերով` մաթեմատիկոս Բոբբի Սիգալը հաշվել է, թե քանի «իդեալական զույգ» կարող է ձևավորվել միջին վիճակագրական քաղաքում:
«Հավանականությունը շատ քիչ է, որ մեզնից յուրաքանչյուրի համար նախատեսված է մեկ հարազատ ու անփոխարինելի մարդ: Իրականում մենք շատ տարբեր ենք, և 48 թիվն էլ բացարձակ չէ: Ազնվությունը, անկեղծությունը ավելացնում են մեր բոլորի շանսերը՝ գտնելու մեր «կեսին»,- բացատրել է գիտնականը՝ միաժամանակ պնդելով, որ մարդկային հարաբերությունները հնարավոր չէ հաշվարկել մաթեմատիկայի միջոցով:
Սիրելիին գտնելու հույսով մարդիկ հաճախ չափազանցնում են իրենց առավելություները՝ փոխանակ լինեն մաքսիմալ ազնիվ: Ռուսների 76 տոկոսը կցանկանար, որ իր ընկերը անկեղծ լիներ ու բաց խոսեր իր ցանկությունների մասին: Այս հարցումներն անց են կացվել ապրիլին, մասնակցել է 1000 մարդ, 65%-ը տղամարդիկ են եղել, 35% -ը՝ կանայք:
