ՀՀ կառավարությունը ռազմաքաղաքական իրավիճակը գնահատելուց հետո դիմել է պատշաճ գործողությունների, որոնք ընթացքի մեջ են. Այս մասին ԱԺ արտահերթ նիստին հայտարարեց իմքայլական Ռուբեն Ռուբինյանը՝ հավելելով, որ մոտեցումը հստակ է ՝ ՀՀ սահմաններից ներս անցումն անընդունելի է և ադրբեջանական զորամիավորումները պետք է անհապաղ դուրս գան ՀՀ տարածքից։
«Սրան հասնելու համար մենք առայժմ դիմում ենք քաղաքադիվանագիտական մեթոդների, բայց պատրաստ ենք այլ սցենարների ևս»։
Պատգամավորը կարևոր է համարում, թե երբ է տեղի ունենում այս ամենը՝ ԱԺ արձակումից հետո, հայտարարված ընտրությունների համատեքստում, ապա դիմեց գործընկերներին պարզ գործարկելու տրամաբանություն ՝ երբ թշնամին թշնամական գործողություն է իրականացնում, ինչի արդյունքում մեղադրում են ոչ թե թշնամուն, այլ կառավարությանը, թուլացնում են ներքին դիմադրողականությունը։
