Ռուսական Sputnik V պատվաստանյութը ուրբաթ սկսել են կիրառել հնդկական Հայդարաբադ քաղաքում, հայտնել է Dr. Reddy’s Laboratories Ltd ընկերությունը:
«Սահմանափակ փորձնական նախագծի շրջանակներում սկսվել է պատվաստանյութի դանդաղ մեկնարկը, և պատվաստանյութի առաջին դոզան այսօր՝ մայիսի 14-ին, կիրառվել է Հայդարաբադում: Հետագա չափաքանակների առաքումը սպասվում է առաջիկա ամիսներին:
Sputnik V պատվաստանյութի հաջորդ չափաքանակների մատակարարումը կիրականացնեն հնդկական գործընկեր-արտադրողները»,- ասվում է ընկերության հաղորդագրության մեջ:
Հնդկաստանում պատվաստանյութի մի դոզայի արժեքը կազմել է 948 ռուպի (12,8 դոլար)՝ գումարած 5-տոկոսանոց հարկը, Հնդկաստանում Sputnik V-ի արտադրության մեկնարկից հետո դրա գինն ավելի ցածր կլինի, նշում են ընկերությունից:
