Պատահական չեմ համարում, որ այս սադրանքը և ագրեսիայի ակտը տեղի ունեցավ խորհրդարանի իրավունքի ուժով լուծարումից ընդամենը երկու օր անց՝ հասկանալով Հայաստանում տիրող նախընտրական տրամադրությունները։ ԱԺ-ում այս մասին ասաց «Իմ քայլը» խմբակցության պատգամավոր Տաթևիկ Հայրապետյանը։
Պատգամավորի խոսքով կարևոր է ճիշտ գնահատել այն դրդապատճառները, որով Բաքուն գնում է այս սադրանքին՝ վտանգելով տարածաշրջանի փխրուն կայունությունը։
«Բաքվի նպատակներից մեկն է ստուգել դիմադրողականությունը։ Վերջերս Ալիևն իր ելույթներից մեկում խոսում էր նրա մասին, որ հայկական պետություն չկա, հայկական բանակ չկա և փորձում այդ տրամաբանության ներքո հասկանալ դիմադրողականությունը։ Այստեղ ներքին կայունության պահպանումը մեր գերխնդիրն է։ Եթե կարող ենք որևէ գործնական օգնություն ցույց տալ մեր պետականությանը, դա մեր ներքին կայունության պահպանումն է և զեխ շպրտելու տրամադրություններից զերծ մնալը»,-ասաց պատգամավորը։