Վերջին 4 օրում առնվազն 1750 հրթիռ է արաձակվել Գազայի հատվածի տարածքից Իսրայելի ուղղությամբ։ Ինչպես իր թվիթերյան էջում հայտնել է Իսրայելի պաշտպանության բանակը, հրթիռային հարածների հետևանքով զոհված իսրայելցիների թիվը 7 է։
Զինվորականների գնահատականներով՝ ընդհանուր առմամբ Իսրայելի 523 բնակիչ վնասվածքներ է ստացել։ Վնաս է հասցվել դպրոցի, հիվանդանոցի շենքին և բազմաթիվ բնակելի տների։
«Ի պատասխան՝ Իսրայելի բանակը Գազայի հատվածում խոցել է ավելի քան 650 ահաբեկչական թիրախ, ներառյալ հրթիռային արձակման կայանքներ, 10 թունել, ոչնչացրել ՀԱՄԱՍ-ի և «Իսլամական ջիհադի» ավելի քան 100 գրոհայինի»,-ասված է հաղորդագրության մեջ։
Ինչպես հայտնում է անկլավի առողջապահության նախարարությունը, երկուշաբթիից չդադարող իսրայելական հարվածների զոհն է դարձել 109 պաղեստինցի, այդ թվում 28 անչափահաս և 15 կին։ Ավելի քան 620 մարդ վնասվածքներ է ստացել։