Մենք կապահովենք մեր սահմանների անձեռնմխելիությունը, ինչ գնով որ դա լինի

«Կեսօրից սկսած ռոբասերժական թայֆային պատկանող «լրատվական» կոչվածներ, ինչ-որ պալատական երգիչներ ու դերասաններ, մանրածախ գներով ծախված քաղաքական ու հանրային գործիչներ, քաղաքապետիկներ, նախկին մարզպետիկներ, իրար հերթ չտալով, սկսեցին մեդիատեռորի ենթարկել մեր ժողովրդին։ Իրականությունն այն է, որ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները»,-կարծիք է հայտնում ԱԺ «Իմ քայլը» խմբակցության պատգամավոր Արթուր Հովհաննիսյանը։ Դիտարկմանը՝ իրականությունը այն է, որ ադրբեջանական զինուժը ոչ թե փորձել է որոշակի աշխատանքներ տանել սահմանային հատվածում, այլ հատել է ՀՀ պետական սահմանը, դիվերսիա է իրականացրել և խորացել 3,5 կմ՝ փորձելով պարփակել Սև լիճը, նշում է՝ դա ադրբեջանական մտադրված սադրանք է եղել։