Սիսիան համայնքում արձանագրված աղիքային վարակներին բնորոշ ախտանշաններով 296 դեպքին ավելացել է ևս տասը։ Այդ մասին «Առաջին լրատվական»-ի հետ զրույցում ասաց Սիսիանի ԲԿ–ի տնօրենը Անի Գրիգորյանը։ Շրջանառվող լուրերը, թե ադրբեջանցիները թունավորել են մեր աղբյուրներից մեկը, ինչն էլ հանդիսացել է վարակի պատճառ, չեն հաստատվել։
ԲԿ տնօրենը նշեց, որ հետազոտությունների արդյունքները պատրաստ չեն, այսօր օրվա վերջում կամ վաղը առավոտյան պատրաստ կլինեն հետազոտությունների արդյունքները։
«Ընդհանուր 306 հիվանդ հիվանդ ունենք, մեծ մասն արդեն լավացել են, որովհետև կրիտիկական երևույթները շատ թեթև են ընթանում, և մե-կ մեկուկես օրվա ընթացքում մարդկանց վիճակը կարգավորվում է։ Հիվանդանոցում ունենք 5 հիվանդ՝ միջին ծանրության և դրական դինամիկայով»,-ասաց Անի Գրիգորյանը։
Մյուս բոլոր հիվանդները բուժում ստանում են տանը, բոլորը, նրա խոսքով, առողջության համաշխարհային կենտրոնի բուժաշխատողների հսկողության տակ են, որևէ լուրջ բուժում չի պահանջվում և մեկուկես օրվա ընթացքում վիճակը կայունանում է։
Որքանո՞վ է հավանական ջրից թունավորվման վարկածը, բժշկական կենտրոնի ղեկավարը նշեց, որ այս պահին ոչինչ չի կարող ասել, որովհետև և՛ ջուրն են հետազոտում, և՛ կեղտանմուշներն են հետազոտում։
Սիսիանի տարբեր թաղամասերից, տարբեր դպրոցներից, նախակրթարաններից են հիմնական վարակվածները։ Ըստ Անի Գրիգորյանի՝ կարող է լինել էնդերովիրուսային վարակ, կարող է ջրից լինել։
Այնուամենայնիվ, վարակվածների որևէ մեկի կյանքին վտանգ չի սպառնում, հիմնական թեթև և միջին ծանրության են։