Ռուսաստանում ԱՄՆ դեսպանության խոսնակ Ռեբեկա Ռոսը «ՌԻԱ Նովոստիին» հաստատել է, որ նա այն տասը ամերիկացի դիվանագետների թվում է, որոնց Մոսկվան արտաքսում է երկրից՝ ի պատասխան Վաշինգտոնի նմանատիպ գործողությունների:
«Այո, ես ցուցակում եմ»,- ասել է Ռոսը:
Ավելի վաղ ՌԴ ԱԳՆ-ի մի աղբյուր, մեկնաբանելով ԶԼՄ-ների հաղորդումները, թե ԱՄՆ դեսպանատան մամուլի քարտուղարը հեռացվելու է Ռուսաստանի Դաշնությունից, «ՌԻԱ Նովոստիին» հայտնել էր, որ «ԱՄՆ-ն իրեն տարօրինակ է պահում»: Նրա խոսքերով՝ ամերիկյան կողմը Ռուսաստանի դեսպանատան մամուլի քարտուղարին արգելել է մուտքը Վաշինգտոն, իսկ ԱՄՆ-ում դիվանագիտական առաքելությունը ստիպված է աշխատել առանց այդ պաշտոնում Մոսկվայում նշանակված անձի: