Պաղեստինցիների թիվը, ովքեր վնասվածքներ են ստացել Արևելյան Երուսաղեմում Իսրայելի իրավապահ մարմինների աշխատակիցների հետ բախումների հետևանքով, հասել է 612-ի։ Այս մասին հայտնում է Al-Quds պարբերականը՝ հղում անելով Պաղեստինյան կարմիր մահիկի ներկայացուցչին։
«Օրվա ընթացքում Տաճարի լեռան և Երուսաղեմի Հին քաղաքի շրջանում վնասվածքներ են ստացել առնվազն 612 պաղեստինցիներ»,-ասել է նա։
Իսրայելցի ոստիկաններն ուժով հեռացրել են Ալ-Աքսա մզկիթում աղոթող բազմությանը՝ կիրառելով արցունքաբեր գազ, ռետինե փամփուշտներ և լուսաձայնային նռնակներ։
Հիշեցնենք, որ գիշերվա ընթացքում արմատականները Գազայից Իսրայելի ուղղությամբ արձակել են ավելի քան 200 հրթիռ, ի պատասխան՝ իսրայելցի զինվորականները Գազայի հատվածում խոցել են 140 թիրախ։
