Monday, 24 06 2024
-
20:00
Լրատվական-վերլուծական երեկոյան թողարկում
20:00
Live. «Առաջին լրատվական» տեղեկատվական-վերլուծական կենտրոն
Հայաստան-ՀԱՊԿ. անտարբերությունից՝ թշնամանք
Գործիքավորումներ ու համերգային ակտիվ շրջագայություններ. դաշնակահար Էդգար Հայրապետյանը հանգստանալու ժամանակ չունի
Գերմանիայում լրտեսության կասկածանքով ձերբակալվել է մոնումենտցի Վարդգեսիկը
19:40
Դաղստանում իրականացված ահաբեկչության զոհերի թիվը հասել է 20-ի
19:30
ԵՄ-ն կարող է դադարեցնել շենգենյան այցագրերի տրամադրումը Վրաստանի բարձրաստիճան պաշտոնյաներին
19:20
Հարավային Կորեայի գործարանում բռնկված հրդեհն առնվազն 22 մարդու կյանք է խլել
19:10
ԵՄ երկրները համաձայնության են եկել Ուկրաինայի համար ՌԴ ակտիվներից շահույթի օգտագործման շուրջ
Ադրբեջանի ՍԴ-ն կդիտարկի խորհրդարանը ցրելու՝ Ալիևի առաջարկը
Ադրբեջանում երկարաձգվել են կորոնավիրուսի սահմանափակումները
Ռուսաստանը հունիսին 2400 հրթիռ է արձակել Ուկրաինայի վրա
18:15
Արքայադուստր Աննան գլխի վնասվածք է ստացել
18:00
«Viva University». ինքնադրսևորման և մասնագիտացման հարթակ՝ ուսանողների համար Շուրջ 300 շրջանավարտ՝ 9 տարվա ընթացքում
Ձևացել է «Իդրամ»-ի աշխատակից ու հափշտակել 2.5 մլն դրամ
«ԿամԱԶ»-ը կողաշրջվել է, վարորդը՝ մահացել
Վարչապետն անհրաժեշտ է համարել Բրազիլիայի հետ կոնկրետ նախագծերի մշակումն ու իրականացումը
«Խստորեն դատապարտում ենք ահաբեկչությունն՝ իր բոլոր դրսևորումներով». ԱԳՆ
17:30
ԵՄ պատժամիջոցների տակ է հայտնվել Արամ Գաբրելյանովը
17:20
Live. «Առաջին լրատվական» տեղեկատվական-վերլուծական կենտրոն
17:15
ՌԴ-ում ԱՄՆ դեսպանը կանչվել է ԱԳՆ
Բաքվի դժոխքի դարպասները
16:45
Հարավային Կորեայում 20 մարդ հրդեհի զոհ է դարձել
Հանրաքվե հավանաբար կլինի. արժեբանական քննարկում էր՝ ընդդիմության նողկալի խոսույթը չկար
Կասեցվել է շոկոլադի արտադրամասի գործունեությունը
Երկաթով խփել են գլխիս. Արա Աբրահամյանը տեղյակ էր. այդ միությունը ուռուցք է
16:09
Օրբանը դեմ է հանդես եկել ֆոն դեր Լայենի վերընտրվելուն
Հավատում եմ, որ Հայաստանի և Վրաստանի ապագան Եվրոպայում է. վրացի երիտասարդ
ԼՂ նախկին ղեկավարների քրեական գործերը կուղարկվեն դատարան
Գողացել էին մեքենայի լուսարձակները

ԿԳՄՍ նախարարի պաշտոնակատար Դումանյանը հանդիպել է ԵՊՀ գիտխորհրդի անդամների հետ

ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը Երևանի պետական համալսարանում հանդիպել է գիտական խորհրդի անդամների հետ:

Ինչպես տեղեկացրին ՀՀ կրթության, գիտության, մշակույթի և սպորտի նախարարության հասարակայնության հետ կապերի և տեղեկատվության վարչությունից, Վահրամ Դումանյանի նախաձեռնությամբ տեղի ունեցած հանդիպման ընթացքում քննարկվել են ԵՊՀ կանոնադրությունում կատարված փոփոխությունները` հոգաբարձուների խորհրդի անդամների թվի և կողմերի ներկայացվածության համամասնության վերաբերյալ:

Ըստ աղբյուրի՝ դիմելով գիտական խորհրդի անդամներին` նախարարի պաշտոնակատարը նշել է, որ ԵՊՀ կանոնադրությունում փոփոխություն կատարելու նպատակը Մայր բուհում կառավարման հնարավոր վակուումը բացառելն է: Ներկայացնելով խնդրի նախապատմությունը` Դումանյանը նշել է, որ ԵՊՀ հոգաբարձուների խորհրդի նախկին նախագահ Գևորգ Մուրադյանի հրաժարականից հետո՝ ՀՀ վարչապետի որոշմամբ 2020 թվականի դեկտեմբերի 24-ին, համալրվել է ԵՊՀ հոգաբարձուների խորհրդի կազմը` առանց նախագահի, քանի որ նախագահի ընտրությունը, համաձայն կանոնադրության, պետք է կատարեր խորհուրդը:

Սակայն 2021 թվականի հունվարի 29-ին ԵՊՀ հոգաբարձուների խորհրդի նիստում նախագահ չի ընտրվել: Առաջադրված երկու թեկնածուներից որևէ մեկը բավարար թվով «կողմ» ձայներ չի ստացել: Դրանից հետո խորհրդի անդամները նախաձեռնել են աշխատակարգի փոփոխություն, որի նպատակն էր` խորհրդի քարտուղարին օժտել նախագահի ընտրությունը կազմակերպելու կառավարչական լիազորությամբ:

«Ես անձնապես այն կարծիքին եմ, որ դրա անհրաժեշտությունն անգամ չկար, որովհետև խորհուրդը կարող էր հաջորդ անգամ ևս նիստ գումարել` նույն ընթացակարգով, ինչ առաջին անգամ և ընտրել նախագահ: Ինչևէ, աշխատակարգում կատարված փոփոխության տեքստը, սակայն, ինչպես հետագայում պարզվեց, խորհրդի անդամների քվեարկությունից հետո խմբագրվել և փոփոխվել էր: ԵՊՀ կայքում հրապարակվել էր փաստաթուղթ, որը չէր քննարկվել ու չէր քվեարկվել: Այսքանն էլ դեռ բավական չէ, հաջորդաբար հրավիրվել էր խորհրդի նիստ, որի օրակարգում հոգաբարձուների խորհրդի նախագահի ընտրության հարց ընդհանրապես ներառված չէր, որն այդ պահին ամենագլխավորն էր բուհի հետագա բնականոն աշխատանքի համար»,- նշել է նախարարի պաշտոնակատարը և հավելել, որ աշխատանքային ոչ բարենպաստ մթնոլորտը, ի վերջո, հանգեցրել է մի վիճակի, երբ հրաժարական են ներկայացրել խորհրդի 32 անդամից 16-ը՝ հիմնականում հիմնադրի և լիազոր մարմնի կողմից ներկայացվածները: Ըստ էության, ԵՊՀ խորհուրդն այժմ լուծարված է:

ԿԳՄՍ նախարարությունից նաև հայտնում են, որ այդ ընթացքում հրաժարական է ներկայացրել նաև ԵՊՀ ռեկտորի ժամանակավոր պաշտոնակատար Գեղամ Գևորգյանը` խնդրելով սույն թվականի մայիսի 17-ից իրեն ազատել զբաղեցրած պաշտոնից: Վահրամ Դումանյանի խոսքով, որպեսզի ԵՊՀ-ում կառավարման վակուում չստեղծվի, Մայր բուհը գոնե պետք է ռեկտորի ժամանակավոր պաշտոնակատար ունենա, իսկ դրա համար պետք է ձևավորվի հոգաբարձուների խորհուրդ, որն իրավասու է ընտրել ռեկտորի պաշտոնակատար: Հենց այդ խնդիրը նկատի առնելով` ԿԳՄՍ նախարարությունը հրատապ կարգով նախաձեռնել է կանոնադրական փոփոխությունները և սահմանել խորհրդի կազմի ձևավորման նոր սկզբունք, ըստ որի՝ հիմնադիրը պետք է ունենա առավելագույն ներկայացվածություն` 55 տոկոս: Խորհրդում ընդգրկված մյուս երեք կողմերից լիազոր մարմինն ու դասախոսական կազմը ներկայացված են 10-ական, իսկ ուսանողությունը` 25 տոկոսով: Նախկինում բոլոր կողմերը ներկայացված էին 25-ական տոկոս համամասնությամբ, որը, ինչպես ցույց տվեց փորձը, ճգնաժամային փուլում խոցելի էր:

Պատասխանելով գիտական խորհրդի անդամների` համամասնությունները փոխելու վերաբերյալ հարցին, Դումանյանը նշել է. «Իմ կարծիքով` հոգաբարձուների խորհրդում չպետք է լինեն տվյալ հիմնարկի ներկայացուցիչներ: Պետք է լինեն ոչ թե ուսանողներ և դասախոսներ, այլ հոգաբարձուներ, որոնք պետք է ունենան ֆինանսական և գործնական լայն հնարավորություններ, որպեսզի իրենց որոշումներով հնարավոր լինի լրջագույն փոփոխություն կայացնել տվյալ հիմնադրամում»:

Ըստ նախարարի պաշտոնակատարի՝ կատարված փոփոխությունը գործող որևէ իրավակարգավորման չի հակասում: Նա նաև համոզմունք է հայտնել, որ պետական բուհի հիմնադիրը, անկախ այն հանգամանքից, թե ով է տվյալ պահի իշխանությունը, պետք է ուժեղ լինի և իր կողմից հիմնադրված բուհում ունենա որոշում կայացնելու հնարավորություն` չմիջամտելով մասնագիտական հարցերին, չխոչընդոտելով ակադեմիական ազատությանը և բուհական ինքնավարությանը:

ԵՊՀ կանոնադրությունում կատարված փոփոխության առնչությամբ ԵՊՀ գիտական խորհուրդը տարածել է հայտարարություն` դիմելով ՀՀ Մարդու իրավունքների պաշտպանին և առաջարկելով հարցը ներկայացնել Սահմանադրական դատարանի քննարկմանը: Այս կապակցությամբ ՀՀ կրթության, գիտության, մշակույթի և սպորտի նախարարի պաշտոնակատար Վահրամ Դումանյանը նշել է, որ բարձր դատարանի որոշումները, իհարկե, չեն կարող քննարկվել, սակայն մինչ այդ ձեռնարկվել է քայլ` այս պահին առաջացած հրատապ խնդրի լուծման նպատակով` բացառելու ԵՊՀ-ի կառավարման փակուղին:

«Ես համոզված եմ, որ մենք բոլորս ունենք մեկ ընդհանուր նպատակ` նպաստել ԵՊՀ զարգացմանը: Միգուցե տարբեր են մեր պատկերացրած ճանապարհները, սակայն նպատակը, վստահ եմ, ընդհանուր է»,- նշել է Դումանյանը:

Գիտական խորհրդի անդամների հետ հանդիպման ընթացքում ԵՊՀ ռեկտորի ժամանակավոր պաշտոնակատար Գեղամ Գևորգյանը փաստել է, որ հրաժարական ներկայացնելն իր անձնական որոշումն է եղել, չի պատրաստվում դիմումը հետ վերցնել, սակայն պատրաստ է մինչև հոգաբարձուների խորհրդի ձևավորումը կատարել պաշտոնակատարի պարտականությունները:

Գիտխորհրդի անդամները նախարարի պաշտոնակատարին ուղղել են խորհրդի ձևավորման նոր կարգին առնչվող մի շարք հարցեր, ներկայացրել առաջարկություններ և մտահոգություններ` ԵՊՀ-ում ստեղծված իրավիճակի հանգուցալուծման վերաբերյալ:

Բաժիններ
Ուղիղ
Լրահոս
Որոնում