Ամերիկյան երկու քաղաքներում հրաձգության դեպքեր են տեղի ունեցել․ զոհվել է 8 մարդ, ևս 6-ը՝ վիրավորվել։Fox News-ի հաղորդմամբ՝ հրազենի գործադրմամբ դեպքերը տեղի են ունեցել Կոլորադո և Արիզոնա նահանգներում։
Այսպիսով, Կոլորադո-Սպրինգս քաղաքում 7 մարդ է մահացել հրաձիգի արձակած կրակից։ Դեպքը տեղի է ունեցել ծննդյան երեկույթի ժամանակ, որն անցկացվել է թրեյլերում։ Կրակի տակ հայտնված մարդկանցից 6-ը մահացել են տեղում, մեկը՝ հիվանդանոցում։ Իրավապահների տվյալներով՝ հրաձիգը երեկույթի մասնակիցներից մեկի ընկերն է։ Նա, ենթադրաբար, վերջ է տվել կյանքին։ Նրա արարքի շարժառիթները հայտնի չեն։
Մյուս դեպքը եղել է Ֆենիքս քաղաքի հյուրանոցներից մեկում։ Անհայտ պատճառներով հրաձգություն է տեղի ունեցել Hyatt Regency-ում, երկու խմբերի միջև։ Բոլոր տուժածները, ովքեր 18-22 տարեկան են, հոսպիտալացվել են։ Կա 1 զոհ։
Հրազենի գործադրմամբ երկու դեպք էլ տեղի էր ունեցել շաբաթ օրը։ Ֆլորիդայի առևտրի կենտրոնում հրաձգության հետևանքով տուժել էր 5 մարդ, նույն օրը անհայտ տղամարդը Նյու Յորքի Թայմզ-Սքվերում կրակել էր մի կնոջ և նրա 4-ամյա երեխայի ուղղությամբ։ Երկուսն էլ տուժել են ու տեղափոխվել հիվանդանոց։ Հրաձիգը թաքնվել է։