Վրաստանի կոմունիստներն ու նրանց համակիրներն այսօր Թբիլիսիում «Անմահ գունդ» խորագրով բողոքի ակցիա են անցկացրել Վրաստանի նախագահի նստավայրի մոտ: Ցույցի մասնակիցները երկրի ղեկավարից պահանջել են վերականգնել դիվանագիտական հարաբերությունները Ռուսաստանի հետ:
Նրանք իրենց հետ բերել էին կարմիր դրոշներ, Ստալինի դիմանկարներն ու պաստառներ. «Ստալին: Հաղթանակ: Սոցիալիզմ», «Մենք պահանջում ենք վերականգնել դիվանագիտական հարաբերությունները Ռուսաստանի հետ» գրություններով:
Ցուցարարները նախագահից պահանջել են հրաժարվելիր նախաձեռնությունից՝ Վակեի Հաղթանակի այգում կանգնեցնել 1921 թվականից ի վեր Վրաստանի անկախության համար զոհված զինվորների հիշատակին նվիրված հուշարձանը: Տեղի է ունեցել ստորագրահավաք՝ ուղղված նախագահին , վարչապետին և Թբիլիսիի քաղաքապետին ՝ պահանջելով, որ նախագահը հրաժարվի իր գաղափարի իրագործումից:
Կոմունիստ առաջնորդներից մեկի՝ քաղաքագետ Թեմուր Փիթիայի հայտարարությամբ, նախագահի նախաձեռնությունը կարող է ծառայել երկրի պատմությունը վերաշարադրելու ուժերի ցանկությանը:
