Կրեմով սննդամթերքը, մայոնեզով համեմված աղցանները, կաթնաթթվային մթերքները և բաց աղբյուրներից ջուրը կարող են թունավորումներ առաջացնել պիկնիկի ժամանակ։ Բնության գրկում բոլոր մթերքները պետք է պահվեն ջերմային պայուսակում։ Այս մասին РИА Новости-ին ասել է Մոսկվայի առողջապահության վարչության Ա. Ս. Պուշկովի անվան շտապ և անհետաձգելի բուժօգնության կայանի բժշկական բաժանմունքի գլխավոր բժշկի տեղակալ Պյոտր Դավիդովը:
Բժշկի խոսքով՝ պիկնիկի ժամանակ մթերքը պետք է պահել ջերմային պայուսակներում։ Կարելի է վերցնել ցանկացած սննդամթերք, սակայն հարկավոր է հաշվի առնել, որ որոշ ուտեստներ տարբեր պայմանական ախտածին միկրոօրգանիզմներով վարակվելու մեծ ռիսկ ունեն և կարող են թունավորման, աղիքային կամ սննդային վարակի առաջացման որոշակի վտանգ պարունակել:
Դավիդովն ասել է, որ պետք չէ պիկնիկի տանել կրեմով մթերքներ, մայոնեզով աղցաններ։ Մսամթերքը հարկավոր է գնել լիցենզավորված վայրերից, հատկապես եթե դա պատրատի խորոված է կամ այլ մսային կերակուրներ, քանի որ դրանցից հնարավոր է վարակվել սալմոնելոզով։
Բացի այդ, պետք է խուսափել կաթնաթթվային մթերքներից, հատկապես եթե դրանց պահման պայմանները խախտվում են։ Բժիշկը հավելել է, որ որքան էլ մաքուր թվա բաց աղբյուրների ջուրը, չարժե այն խմել։
Դավիդովը խոսել է նաև տանը պատրաստված պահածոներից բոտուլիզմի առաջացման վտանգի մասին։
Ցանկացած թունավորման դեպքում բժիշկը խորհուրդ է տվել ինքնաբուժմամբ չզբաղվել և դիմել բժշկի։