2021 թվականին Հայաստանն առաջին անգամ մասնակցում է եվրոպական գրական ասպարեզի կարևորագույն իրադարձություններից մեկին՝ ԵՄ գրական մրցանակին։
Մրցանակին հավակնում է Արամ Ավետիսը՝ «Երբ առնետները կարդալ գիտեին» (When Rats Could Read) ստեղծագործությամբ, որը հրատարակել է «Ակտուալ արվեստ» հրատարակչությունը, Արամ Պաչյանը՝ «P/F» գործով. այն հրատարակել է «Էջ» հրատարակչությունը, Անուշ Սարգսյանը՝ «Անոն» (Ano) գրքով, որի հրատարակիչն է «Անտարեսը», Հովիկ Աֆյանը՝ «Կարմիր» (Red) ստեղծագործությամբ, որը ևս հրատարակել է «Անտարեսը», Լուսինե Խառատյանը՝ «Անմոռուկի փակուղի» (The Dead End Forget-me-not) գրքով, որի հրատարակիչն է «Գրանիշը»:
Եվրոպական Միության գրական մրցանակը (EUPL) Եվրոպայում լույս տեսնող գրական ստեղծագործությունների և հեղինակների հանրահռչակման ամենամյա ծրագիր է: Այն ֆինանսավորվում է Եվրոպական Միության «Ստեղծագործ Եվրոպա» ծրագրի կողմից։ Թեմայի շուրջ «Առաջին լրատվական»-ը զրուցել է արձակագիր Արմեն Հայաստանցու հետ: