Իտալացի աստղագետների Virtual Telescope Project-ը հրապարակել է Չինաստանի չկառավարվող Long March 5B հրթիռի առաջին լուսանկարը: Այս մասին նշված է ծրագրի կայքում:
Երբ լուսանկարվել է, ծանր հրթիռակիրը գտնվել է գրեթե 700 կիլոմետր բարձրության վրա: Նա նման էր փայլուն կրակի:
Մասնագետներն ասում են՝ չնայած այն հանգամանքին, որ արևի դիրքը հորիզոնից մի քանի աստիճան ցածր էր, երկինքը շատ պայծառ էր:
18 տոննա հրթիռի երկարությունը հասնում է 30 մետրի, իսկ լայնությունը՝ հինգ: Սարքը շարժվում է վայրկյանում 6,4 կիլոմետր արագությամբ և Երկրի շուրջ մեկ պտույտ է կատարում երկու ժամից էլ պակաս ժամանակահատվածում:
Ենթադրվում է, որ հրթիռը մեր մոլորակի վրա կընկնի շաբաթ օրը՝ մայիսի 8-ին:
Բացի դրանից՝ ԱՄՆ կառավարությունը նախազգուշացնում է, որ դա կարող է վնասել որոշ տեղանքներ: Այնուամենայնիվ, հնարավոր չէ որոշել, թե որտեղ է ընկել նավը:
Իր հերթին, ՉԺՀ արտաքին գործերի նախարարությունը պնդում է, որ հրթիռի մեծ մասը կայրվի մթնոլորտում, ուստի Երկրին վնաս չի պատճառի:
