Արդեն կարելի է ասել, որ պատերազմի և համավարակի հետևանքները մնացել են անցյալում: Մեկ շաբաթից ԱՎԾ-ն կհրապարակի մարտի տնտեսական ցուցանիշները, կարծում եմ այսուհետ կվերադառնանք դրական թվերի զոնա: Այս մասին «Առաջին լրատվական»-ի հետ զրույցում նշեց ՀՀ էկոնոմիկայի նախարար Վահան Քերոբյանը՝ հավելելով, որ բազմաթիվ ոլորտներ արդեն վերականգնվել են:
Նախարարի հավաստմամբ՝ կառավարությունը շարունակելու է աջակցել այն ոլորտներին, որոնք դեռևս չեն վերականգնվել: Պետք է մտածել զարգացման մասին ոչ թե միայն հակաճգնաժամային ծրագրերի իրականացման»,- նշեց Քերոբյանը:
Դիտարկմանը, որ փետրվարի տնտեսական ակտիվության ցուցանիշը -5,3 տոկոս է, մինչդեռ նախարարը նշել է, որ տնտեսությունը համարյա վերականգնվել է, Քերոբյանը պարզաբանեց. «Եթե համեմատենք 2019թ. ցուցանիշների հետ, (իսկ 2019-ը համարվում է ՀՀ անկախ պատմության ամենալավ տնտեսական տարին), ապա 2021թ. հունվարին ու փետրվարին ավելի լավ ցուցանիշներեն գրանցվել, քան 2019-ին: Մենք առայժմ գնում ենք աճի տեմպով, եթե այս տեմպը պահպանվի, իմ խոստացած երկնիշ տնտեսական աճը կլինի»:
Մանրամասները՝ տեսանյութում: