Ընդդիմության առաջնորդ Ալեքսեյ Նավալնիի հետապնդման պատմությունը և Կրեմլի վարած քաղաքականությունը Ուկրաինայի նկատմամբ էապես մթագնում են հարաբերությունները Եվրոպայի և Ռուսաստանի միջև: Բայց նույնիսկ նման պայմաններում անհրաժեշտ է պահպանել երկխոսության հարթակ: Deutsche Welle- ի փոխանցմամբ՝ այս մասին այսօր հայտարարել է Գերմանիայի կանցլեր Անգելա Մերկելը ԵԽԽՎ գարնանային նստաշրջանում տեսաձայնային ելույթի ժամանակ:
«Մենք շատ հակասություններ ունենք Ռուսաստանի հետ: Բայց ես մնում եմ այն մարդը, ով անընդհատ կրկնում է՝ մենք պետք է խոսենք միմյանց հետ: Մենք պետք է շարունակենք երկխոսությունը», – ասել է Մերկելը:
Ուկրաինացի պատգամավոր Աեքսեյ Գոնչարենկոն մի խումբ պահպանողականների անունից Անգելա Մերկելին խնդրել է պատասխանել «Արդյոք նա Վլադիմիր Պուտինին մարդասպա՞ն է համարում» հարցին: Եվ չնայած ԵԽԽՎ նախագահ Ռիկ Դամսի կողմից հարցի առիթով Գոնչարենկոյին ուղղված դիտողությանը և նիստերի դահլիճում վիրավորանքներ հնչեցնելուց զերծ մնալու կոչին՝ կանցլերը, այնուամենայնիվ, պատասխանել է այդ հարցին:
«Վլադիմիր Պուտինի վերաբերյալ ես կասեմ, որ երբ խոսքը վերաբերում է նրա հասցեին հնչող քննադատություններին, ես դա չեմ թաքցնում և արտահայտում եմ դա անձնական զրույցներում», – ասել է Մերկելը՝ հավելելով, որ ինքը, մասնավորապես, քննադատում է ՌԴ նախագահին՝ Ռուսաստանում մարդու իրավունքների պահպանման հարցի առիթվ…
Ելույթի ընթացքում Մերկելը թվարկեց նաև այն երկրներն ու տարածաշրջանները, որտեղ իրեն անհանգստացնում է իրավիճակը:
«Եթե նայենք Եվրոպայի արտաքին սահմաններին, ապա մեզ համար ակնհայտ կդառնա, որ այսօր խաղաղությունն ու անվտանգությունը, կայունությունն ու բարեկեցությունը չեն ընդունվում որպես ինքնին տրված: Իրավիճակը Բելառուսում, Ուկրաինայի արևելքում և Ղրիմում, Մերձդնեստրում, Հարավային Օսիայում, Աբխազիայում, Լեռնային Ղարաբաղում և, իհարկե, Սիրիայում և Լիբիայում, առավել քան տագնապալի է», – ասել է նա: