Իշխանությունն ու ընդդիմությունը պատրաստվում են արտահերթ խորհրդարանական ընտրություններին։ Իշխանությունը, կարծես, վերընտրվելու հույս ունի։ Ընդդիմադիր դաշտից Հայաստանի երկրորդ նախագահ Ռոբերտ Քոչարյանը հայտարարում է, որ նա մասնակցելու է ընտրություններին և հաղթելու է։ Այս երկու բևեռներից ո՞րը որքան շանս ունի․ «Առաջին լրատվական»-ի հարցին Գյումրու «Ասպարեզ» ակումբի նախագահ Լևոն Բարսեղյանը պատասխանեց․ «Դժվար է ասել՝ որը որքան շանս ունի։ Հետազոտություններ կան, որով գործող իշխանությունն ավելի շատ շանս ունի, քան Ռոբերտ Քոչարյանը։ Ես ուզում եմ, որ շատ քաղաքական ուժեր մասնակցեն, և հանրությունը քվեով իր վերաբերմունքը ցույց տա, որպեսզի բոլորը հասկանան, թե ով ինչ քվեի տեր է։ Դրա համար շատ էական է արդար կամարտահայտման մեխանիզմ ապահովելը։ Իսկ դրա բեռն իշխանության վրա է։ Իշխանությունն է պարտավոր ապահովել ազատ և արդար ընտրություններն ամբողջությամբ։
Ոչ միայն Քոչարյանը, այլ բոլոր այն քաղաքական ուժերը, որոնք հետևողականորեն քննադատում են և քննադատելուց զատ հայտարարում են, որ ունեն ծրագրեր, ապա ճիշտ կլինի, որ նրանք մասնակցեն և իրենց գաղափարները ներկայացնեն հանրությանը։ Հավանական է, որ մի 15 քաղաքական ուժ կմասնակցի ընտրություններին, որոնցից ոմանք կլինեն դաշինքներ»։
Մանրամասները՝ տեսանյութում։