Վաշինգտոնը Կերչի նեղուցի շրջանում Սև ծովի ջրավազանի մի հատվածը վեց ամսով փակելու Ռուսաստանի ծրագրերն Ուկրաինայում իրավիճակի սրման և ապակայունացման փորձ է համարում: Այս մասին ասվում է ԱՄՆ Պետդեպարտամենտի ներկայացուցիչ Նեդ Փրայսի հայտարարության մեջ, որը հրապարակվել է գերատեսչության կայքում:
«Ռուսաստանը բազմիցս ագրեսիվ գործողություններ է ձեռնարկել ուկրաինական նավերի դեմ և խոչընդոտել է Ազովի ծովի ուկրաինական նավահանգիստներ դրանց մուտքը՝ ազդելով Ուկրաինայի միջազգային առևտրի վրա: Սա Ուկրաինայի ապակայունացմանն ուղղված Մոսկվայի շարունակվող արշավի ևս մեկ չհրահրված սրում է»,- ասված է հայտարարության մեջ:
Փրայսը նշել է, որ նման որոշումը հատկապես մտահոգիչ է ՌԴ-ի կողմից Ղրիմում և Ուկրաինայի հետ սահմաններին զորքերի թվի ավելացման մասին հաղորդագրությունների ֆոնին:
