Իրանի եւ միջազգային «հնգյակի» (Գերմանիա, Ֆրանսիա, Մեծ Բրիտանիա, Չինաստան, Ռուսաստան) Համատեղ հանձնաժողովի մասնակիցներն անցնում են իրանական միջուկային գործարքի շուրջը Գործողությունների համատեղ համապարփակ պլանի (ԳՀՀՊ) իրականացման վերականգման բանակցություններում անհրաժեշտ որոշումների նախագծերի համաձայնեցմանը: Ապրիլի 19-ին այդ մասին հայտնել Է Վիեննայի միջազգային կազմակերպություններում ՌԴ-ի մշտական ներկայացուցիչ Միխայիլ Ուլյանովը:
«ԳՀՀՊ-ի վերականգնման աշխատանքի երկու շաբաթվա արդյունքներով՝ կարելի Է արձանագրել, որ բանակցությունները թեւակոխում են անհրաժեշտ որոշումների նախագծերի (այսպես կոչված դրաֆթինգի) համաձայնեցման փուլը,- գրել Է Ուլյանովը Twitter-ում: Նա հավելել Է, որ մինչեւ գործնական արդյունքներին հասնելը տակավին շատ աշխատանք կա, սակայն կարեւոր Է, որ բանագնացներն ընդհանուր բառերից անցել են կոնկրետության: Անցած շաբաթ կայացել Է ԳՀՀՊ-ին ԱՄՆ-ի հնարավոր վերադարձման (գործարքից դուրս Է եկել 2018 թվականին) հեռանկարների հարցերի եւ այն բանի քննարկման երկու անմիջա նիստ, թե բոլոր կողմերն ինչպես ապահովեն իրանական միջուկային գործարքի լիակատար եւ արդյունավետ կատարումը: Հանձնաժողովի մասնակիցները շարունակում են քննարկել միջուկային գործարքի վերականգնման ուղիները տարբեր ձեւաչափերով ոչ պաշտոնական հանդիպումներում, այդ թվում փորձագետների մակարդակով, հաղորդել Է ՏԱՍՍ-ը: